گیلدیک

گیلدیک

بول فانیده هیچ کیمسه غالجاق دالدیر
همه میزدنیادان گوچمانه گیلدیک
یانینه بیرذره ذات آلجاق دالدیر
یخشی نی یاماندان سچمانه گیلدیک

گیلمه دیک بول دنیابیردعوااوچین
انسانه بی فایده بیرغوغا اوچین
یالان دنیا باغلی بیرسودا اوچین
بیزلرآب وحیات ایچمانه گیلدیک

بیزلریارادیلدیق عبادت اوچین
انسانلیق ایشی بول سخاوت اوچین
خیرایش لرایشلاب سعادت اوچین
حقه گیدن یولی آچمانه گیلدیک

بعضی لرغوشیلدی دنیاچاغینه
بعضی لرآلداندی گل وباغینه
آنگلارلاربارانده سونگ دوراغینه
اصل اول دوراغی گچمانه گیلدیک

قاری سادات دعاایله الله غه
سحرتوریب باغلان آه ونالاغه
یارامازیوللارده دوشمه بلاغه
فانیدان باقی غه گوچمانه گیلدیک