۰۷ اردیبهشت ۱۳۹۰

SOLDUM ARMANLI


سولدوم آرمانلی
انم آتام منی بردی بیر یادا
قولومدان توتدی لار اوردی لار اودا
بارسانگ آییت آقام اوغلی مرادا
من بیر قیزیل گول دیم سولدوم آرمانلی
...انم آتام قصد ایله دی جانیما
نکاح قییان ملا قالسین قانیما
آغزی قیللی گرجی گلدی یانیما
من بیر قیزیل گول دیم سولدوم آرمانلی
انم آتام کؤر نفسینه چاپاندیر
نیرده یوق دیّوثی مانگا تاپاندیر
آل یانگاقدان بیر کؤر سیچان اؤپندیر
من بیر قیزیل گول دیم سولدوم آرمانلی
بو دریانینگ بویی گیدن شور اکن
شونگا یار دییه نینگ عمری حور اکن
کلّه سی کل دییسم گؤزِم کؤر اکن
من بیر قیزیل گول دیم سولدوم آرمانلی
انه مینگ آتامینگ برن اؤویدی
تانگری جانیم آلسا موندان قوودی
قیریلدی می اوبامیزینگ ییگدی
من بیر قیزیل گول دیم سولدوم آرمانلی
اجه من آیدایین سانگا دوغریمی
کوپ اوتوردیم چووال سوردی ساغریمی
ییگریم بأش یاشیمدا یاقدینگ باغریمی
من بیر قیزیل گول دیم سولدوم آرمانلی
آلتمیش ییگیت گلدی قولی پارالی
سنم دییدینگ نصیبؤمیز آرالی
گؤزی قیزیل کیرپیک لری شیره لی
من بیر قیزیل گول دیم سولدوم آرمانلی
ارتیر تورار اوغلان یوکه سویه نر
قیزیل بالاق عشق اودونا بویانار
الین- یوزون یومان چؤرک دیله نر
من بیر قیزیل گول دیم سولدوم آرمانلی
ارتیر تورار اوغلام گیدر اوینونا
آشیجاغین سانار سالار قوینونا
گولوشمک- اویناشماق دوشمز کویونه
من بیر قیزیل گول دیم سولدوم آرمانلی
اوبالاری بؤلک- بؤلک اوتوردی
هر دره دن بیر دویأنی گتیردی
دیزیندان آشاغین نفته باتیردی
من بیر قیزیل گول دیم سولدوم آرمانلی

۱۳ فروردین ۱۳۹۰

ملی دیل میزه قووانمالی دیل سیز انسان حیوان دان فرقی یوقدیر هر ملتده بولیشی کمین بیزینگ گوزل ترکمن خلق میزینگ هم قوانیپ بویسانار یالی اوران اوزین هم بای گچمیشه اییه بولان ملی دیلی بار. آتا بابه لرمیزینگ اوز نسل لرینه یادگار قالدیران بول اگسیلمز خزینه حتی ترکمن لرنگ ملی دولت لری نینگ دارغا دیلیپ ازیجی لرنگ آستینده خورلان دورینده هم مردانه دوریپ خلق میزی باتور لیغه , باشی دیک دورماغه چاغریپ گلدی .یونه غینانساغام "20"عصر ینگ چیلشریملی یاغدایی ترکمن لرنگ سیاسی هم مدنی دورموشینده آغیر ضربه لر اوردی .بیر یاندان روس امپرایالیزیمی ، آیرا طرفندان افغانستان ده یوره دیلیپ گلینیان فاشستی سیاست ، ایران ده بولسه فارس شووئیزیمی خلق میزینگ دیل بایلیغینه یاویز تاثیر قادیردی . اینها بوگون شول الهنچ سیاست نگ نتیجه سینی بار تنمیز بیلن چکیپ گلیاریس.ترکمنستانینگ چاگیندان داشارده یاشه یون ملیون لرچه ترکمن لر اوز انه دیل لرینده اوقو آلیپ بیلمدیک لری اوچین هر ناچه سوزونگ آراسینه فارس، عرب،سوزلر غوشولیار.بول دولت لرده یاشاپ گلیان خلق میزینگ ملی تاریخی وقدیمی مدنیتی اوسدیریلمان لیگی اوچین ترکمن باله لری اوز حقیقت لرینه گوز یتریپ بیلمه یارلر.ادیل بول یاغدایی دان پیدا لانیب ملت میزینگ دیلینی تاریخینی کمیسدیپ مسخره لاپ اونونگ یرنه اوز اویدورمه هم یاسامه تاریخ لرینی یایرادیپ باریان یاش نسل میزینگ آنگلارینی زهر لاپ گلیار لر بول یاغدای ترکمنستان ده هم شویله بولدی .مثال اوچین بوتین خلق آرا ترمینلر روسچه آیدیلیشینه او یکنیلیپ آیدیلماغه مجبور ادیلدی یازو خطمیز لاتین چه دان روسچه اویتگدیلدی.گویا دنیا ده بول دیل دان باشقه دیل یوق یالی اویلدی . روس دیلینی بیوک روس خلقینگ دیلی ((انتر ناسیونالیست)) دیل زحمتکش پرولتار یانینگ دیلی دیپ ماغتا دیلار.ترکمن دیلی نینگ ادبی دیلی اونونگ یازو خطی گرامری و سوز لوگی نینگ اوستونده بیزینگ عالم لرمیز عمرینی کول اتدیلر ، آتیلدیلر، باسیلدیلار، آغیر حوپیا تلاره کمسیتملره اوچرا دیلار . کومشالی بوری، الله قلی قره خانوف یالی یاتان یرلری یاختی بولان لر باریپ 28 نجی ییل لرده ترکمن دیلینه آلینمه ترمینلرینگ ناحیل بولمالیدیغی باره سینده گیجه لرینی گوندیز اتدیلر. شول دوره ده بول مسئله اوچ چوز گوت آغتاریلیپدی: 1- ترکمن ادبی یازو دیلینه ترکمن لر بیلن گلیپ چیقشی و دیلی بیر اهلی تورکی خلقلارنگ ادبی دیلینی اساس ادیپ آلماق و شو نونگ بیلن اوتغ شیپ اوسمگینی قازانماق. 2- ترکمن ادبی دیلینه اوکتوبر انقلابیندان ئونگ کلاسیک چی لرنگ اوز دیلی بیلن بیوک مخدومقلی نینگ دیلینی اساس ادیپ آلماق و دیلینگ شول اساس ده اوسمگینی قازانماق. 3- ترکمن ادبی یازو دیلینی بوتین لایین تازه چه ترکمن تیره طایفه لرنینگ گپلاشیک شیوه سی اساس نده اوسدیرمک. شول دورداکی عالم لرمیز ترکمن ادبی دیلی نینگ اهلی ترکمن دوشنوکلی بولماغی اوچین بوتین طایفه لرنگ آراسینده بار بولان سوز لر هم ترمینلر دان پیدالنماغینی ئونگه سوریپ دیلر.اما کمونست پارتیا نینگ آیده لری اوغورینده قول بولان لر مونونگ درگینه دینگه روس آدالغلار دان پیدا لنماغی اونده یاردیلر. اولرینگ مانگلایلارینی سجده اتدیر جک یری مسکو دی. 1930 نجی ییلنگ مای آیینده عشق آباد، ده گچریلن بیرنجی ترکمن دیل قورولتا یینده عجائب قرار لر قبول ادیلدی . شو لردان بیریسی بولسه ترکمن ادبی دیلینی یاد و آلینمه سوز لردان اساساً هم عرب، فارس، ترمینلردان آراستلاپ اونونگ یرینه قدیمی تورکی دیل لرده بار بولن سوز لردان پیدالنماق گوز ئونگونه توتیلدی .شول قرار ده ترکمن دیلینی اهلی تیره طایفه لرنگ دیل بایلیغی اساسینده اوسدیرمک خلق آرا ترمینلرینی اروپا اساس نده دوزمک و اونی دیلی نینگ قاعده لرینه اویغونلاشدیر ماق یالی مسئله لر مقصد ادیلدی . اما غینانساغام بول عدالتلی طرف لر کمونست پارتیا نینگ و دولت سیاست نینگ بهیدی اوغرونده قربان ادیلدی.و بول فکر لری آرا آتان کیشی لر بولسه گیلماز یوله ایبریلدی.ایندی بوگون ترکمنستان جمهوریت نده ترکمن آدینده بیر دولت بار بول دولت ملت میزینگ دیلینی آراسته لاشدیرماقده بایلاشدیرماقده شویله هم غونگشی افغانستان ده ایران ده یاشایان ترکمن لرنگ دیل لرینی اوسدیرمک یولونده آغیر بورجی نینگ باردیغینی اونوتمالی دال. مقالانی تیار لان : آقمراد گورگانلی